วิปากทุกํ

[350] วิปากปจฺจยา เหตุยา เอกํ, อารมฺมเณ เอกํ, อธิปติยา เอกํ, อนนฺตเร เอกํ, สมนนฺตเร เอกํ, สหชาเต เอกํ, อญฺญมญฺเญ เอกํ, นิสฺสเย เอกํ, อุปนิสฺสเย เอกํ, ปุเรชาเต เอกํ, กมฺเม เอกํ, อาหาเร เอกํ, อินฺทฺริเย เอกํ, ฌาเน เอกํ, มคฺเค เอกํ, สมฺปยุตฺเต เอกํ, วิปฺปยุตฺเต เอกํ, อตฺถิยา เอกํ, นตฺถิยา เอกํ, วิคเต เอกํ, อวิคเต เอกํ…เป.…ฯ

สํสฏฺฐวาเร อนุโลมํฯ

2. ปจฺจยปจฺจนียํ

1. วิภงฺควาโร

นเหตุปจฺจโย

[351] อกุสลํ ธมฺมํ สํสฏฺโฐ อกุสโล ธมฺโม อุปฺปชฺชติ นเหตุปจฺจยา – วิจิกิจฺฉาสหคเต อุทฺธจฺจสหคเต ขนฺเธ สํสฏฺโฐ วิจิกิจฺฉาสหคโต อุทฺธจฺจสหคโต โมโหฯ (1)

อพฺยากตํ ธมฺมํ สํสฏฺโฐ อพฺยากโต ธมฺโม อุปฺปชฺชติ นเหตุปจฺจยา – อเหตุกํ วิปากาพฺยากตํ กิริยาพฺยากตํ เอกํ ขนฺธํ สํสฏฺฐา ตโย ขนฺธา, ตโย ขนฺเธ สํสฏฺโฐ เอโก ขนฺโธ, ทฺเว ขนฺเธ สํสฏฺฐา ทฺเว ขนฺธา; อเหตุกปฏิสนฺธิกฺขเณ วิปากาพฺยากตํ เอกํ ขนฺธํ สํสฏฺฐา ตโย ขนฺธา, ตโย ขนฺเธ สํสฏฺโฐ เอโก ขนฺโธ, ทฺเว ขนฺเธ สํสฏฺฐา ทฺเว ขนฺธาฯ (1)

นอธิปติอาทิปจฺจยา

[352] กุสลํ ธมฺมํ สํสฏฺโฐ กุสโล ธมฺโม อุปฺปชฺชติ นอธิปติปจฺจยา… นปุเรชาตปจฺจยา – อรูเป [อารุปฺเป (สพฺพตฺถ)] กุสลํ เอกํ ขนฺธํ สํสฏฺฐา ตโย ขนฺธา…เป.… ทฺเว ขนฺเธ สํสฏฺฐา ทฺเว ขนฺธาฯ อกุสลํ ธมฺมํ…เป.… อพฺยากตํ ธมฺมํ…เป.…ฯ

นปจฺฉาชาต-นอาเสวนปจฺจยา

[353] กุสลํ ธมฺมํ สํสฏฺโฐ กุสโล ธมฺโม อุปฺปชฺชติ นปจฺฉาชาตปจฺจยา… ตีณิฯ นอาเสวนปจฺจยา… ตีณิฯ

นกมฺมปจฺจโย

[354] กุสลํ ธมฺมํ สํสฏฺโฐ กุสโล ธมฺโม อุปฺปชฺชติ นกมฺมปจฺจยาฯ กุสเล ขนฺเธ สํสฏฺฐา กุสลา เจตนาฯ (1)

อกุสลํ ธมฺมํ สํสฏฺโฐ อกุสโล ธมฺโม อุปฺปชฺชติ นกมฺมปจฺจยาฯ อกุสเล ขนฺเธ สํสฏฺฐา อกุสลา เจตนาฯ (1)

อพฺยากตํ ธมฺมํ สํสฏฺโฐ อพฺยากโต ธมฺโม อุปฺปชฺชติ นกมฺมปจฺจยาฯ กิริยาพฺยากเต ขนฺเธ สํสฏฺฐา กิริยาพฺยากตา เจตนาฯ (1)

นวิปากปจฺจโย

[355] กุสลํ ธมฺมํ สํสฏฺโฐ…เป.… อกุสลํ ธมฺมํ…เป.… อพฺยากตํ ธมฺมํ สํสฏฺโฐ อพฺยากโต ธมฺโม อุปฺปชฺชติ นวิปากปจฺจยา – กิริยาพฺยากตํ เอกํ ขนฺธํฯ

(สํสฏฺฐวาเร ปจฺจนียวิภงฺเค นกมฺเม จ นวิปาเก จ ปฏิสนฺธิ นตฺถิ; อวเสเสสุ สพฺพตฺถ อตฺถิฯ)

นฌานปจฺจโย

[356] อพฺยากตํ ธมฺมํ สํสฏฺโฐ อพฺยากโต ธมฺโม อุปฺปชฺชติ นฌานปจฺจยา – ปญฺจวิญฺญาณสหคตํ เอกํ ขนฺธํ สํสฏฺฐา ตโย ขนฺธา…เป.… ทฺเว ขนฺเธ สํสฏฺฐา ทฺเว ขนฺธาฯ (1)

นมคฺคปจฺจโย

[357] อพฺยากตํ ธมฺมํ สํสฏฺโฐ อพฺยากโต ธมฺโม อุปฺปชฺชติ นมคฺคปจฺจยา – อเหตุกํ วิปากาพฺยากตํ กิริยาพฺยากตํ เอกํ ขนฺธํ สํสฏฺฐา ตโย ขนฺธา…เป.… ทฺเว ขนฺเธ สํสฏฺฐา ทฺเว ขนฺธา; อเหตุกปฏิสนฺธิกฺขเณ…เป.…ฯ (1)

นวิปฺปยุตฺตปจฺจโย

[358] กุสลํ ธมฺมํ สํสฏฺโฐ กุสโล ธมฺโม อุปฺปชฺชติ นวิปฺปยุตฺตปจฺจยา – อรูเป กุสลํ เอกํ ขนฺธํ สํสฏฺฐา ตโย ขนฺธา…เป.… ทฺเว ขนฺเธ สํสฏฺฐา ทฺเว ขนฺธาฯ (1)